Nxitja e Biznesit Social, nëpërmjet këtij projekti, synon të krijojë një faqe interneti (e-shop) në nivel kombëtar, e cila do të realizojë ekspozimin, promovimin dhe tregëtimin online të produkteve orgjinale dhe autentike nga e gjithë Shqipëria, duke i bërë të disponueshme në të gjithë botën. Kjo faqe interneti, ofron mundësinë e blerjes dhe porositjes nëpërmjet internetit dhe shpërndarjen në adresat e duhura në cdo cep të botës. Kjo iniciativë, synon të nxisë, jo vetëm zhvillimin e artizanatit por edhe krijimit të një platforme të promovimit dhe tregëtimit të shitjeve online jashtë kufijve të Shqipërisë, përmes evidentimit dhe ruajtjes së vlerave autentike shqiptare. Stafi i NBS, ka shkelur gjeografikisht në gjithë Shqipërinë, përfshirë edhe zonat e thella malore duke identifikuar dhe evidentuar rreth 260 zejtarë dhe kategorizuar artikujt të ndryshëm që tregëtojnë. Ndër problemet kryesore në sektorin e shitjeve ishte shpërndarja e tyre gjeogafike dhe mundësia e promovimit në kanalet e duhura. Promovimi dhe tregtimi i zejeve shqiptare, ndikon në rritjen e dukshmërisë dhe vlerësimit të sektorit të artizanatit, si dhe në stabilitetin ekonomik dhe social të Zejtarëve.