“Inkubator Biznesi” është një nga projektet më të rëndësishme të Nxitjes së Biznesit Social, duke sjellë së bashku tre universitete në Shqipëri, “Universiteti Mesdhetar”, “Universiteti Polis” dhe “Universiteti Bujqësor i Tiranës“. Ky projekt shërben si laborator për tërheqjen e ideve më të reja të biznesit duke promovuar punësimin e të rinjve. Nëpërmjet këtij projekti, synohet krijimi i një rrjeti të rinjsh inovatore dhe të talentuar që bashkëpunojnë në displina të ndryshme, në gjenerimin dhe zhvillimin e ideve të reja, në konvertimin e tyre në biznese sociale duke krijuar vende pune për gjeneraten e re. Inkubatori ofron astistencë për të kthyer idetë e biznesit, projektet inovative në sipërmarrje të reja. Ai operon me një grup kompanish, të cilët do të shërbejnë si mentore të ideve të studentëve. Ndërmarrësit e rinj, do të aftësohen përmes trajnimeve për zhvillim të biznesit, mbështetjes teknike dhe administrative, këshillave për menaxhim dhe zhvillim të biznesit, çështjeve ligjore, financiare, logjistike dhe marketing. Inkubatori do të shërbejë si motor i suportit të të rinjve, për të zhvilluar bizneset e tyre dhe aftësitë sipërmarrëse, në mënyrë që ata të mund të bëhen shtytësit e ardhshëm të një ekonomie shqiptare të sukseshme dhe në rritje. Iniciativa e inkubacionit do të synojë edhe krijimin e partneriteteve me Universitetet jashtë Shqipërisë, të cilët kanë në strukturën e tyre inkubacione biznesi, duke krijuar platforma bashkëpunimi ndërkombetare, shkëmbime eksperince ndërmjet tyre, duke nxitur inovacionin dhe zhvilluar atë për t’u bërë konkurues në ekonominë globale.